Катерина Гогова – Здив

Се плашам дека еден ден/ ќе го отворам / кутивчето што ми ги чува / желбите за вечна есен / и повторно ќе биде септември

Родољуб Чориќ – Клупа во центарот на градот (Црна Гора)

Една есен,
есен златна, што изгледа на оваа,
можеби малку поинаква,
како во љубовната приказна.

Михајло Свидерски – Седмица

Понеделник
Јин и Јанг, создадени со исто движење
постојано невидливо го држат
балансот на светот

Марија Грубор – нов ден

денес е нов ден:
дувај во жарта
се дур не посакаш да преживееш.
свари кафе, појади фејсбук
погледај го преносот во живо

Марко Салџиевски – СтатИст

Има денови и денови
а има и денови кога ниту ден
ниту ноќ има
и така во низа со денови.

Александар Митовски -Македонска кутија

Не знам дали е од картон или од пластика –
и двете ќе да се увезени од некаде –
оти чичкото што знаеше да прави картон
вози камион по некоја страна од атласот;
чичкото што собираше пластика
беше собран и однесен еден изгор ден.

Диме Данов – Ќе дојде денот

Ќе дојде ден кога
ќе се испушти гневот од синџирот
како прегладнат пес
со заби изострени од немир
и канџи полни пореметена сила.

Мане Манушев

Кога завршуваше денот

Кога завршуваше денот
ме прашуваа
каде е твојот дом?
јас им велев –
таму каде небото е пониско
од вашите тавани и кровови,
кога завршуваше денот
ме прашуваа
кој е твојот јазик?
а јас им велев –
оној јазик
од чија празнина помеѓу
зборовите ќе разберете
дека нашата иднина е невина,
ме прашуваа
кој е твојот пат?
а јас им велев…
патот на птиците чии сенки
остануваа на небото
кога завршуваше денот.